Matapos ang ilang buwang pagpapatumpik-tumpik, ilang linggong pag-iisip-isip, ilang araw ng pagbabasa-basa at pangongolekta ng inspirasyon, ilang oras ng pagpapahinga, pagtingin-tingin sa ilang daang profiles sa planeta ni Romeo, pakikipagkulitan sa mga members ng isang forum ng wonderful people, mangilan-ngilang update ng status sa Facebook at Google+, sa wakas ay napagdesisyunan ko na ring isakatuparan ang blog na ito.
Hindi madaling magisip ng kung ano ang isusulat at pwedeng ma-share sa isang blog. Lalong hindi rin madali ang pagsusulat. Eh hindi naman kasi ako writer.
May mga pagkakataon lang na gusto ko lang ngumawa. Gusto ko lang mag release ng stress. Kaya ito na nga ang produkto. Isang munting blog. Isang munting paraiso kung saan pwede kong sabihin ang lahat ng gusto kong sabihin. Isang maliit na espasyo kung saan ang reyaledad at ang aking imahinasyon ay magsasabong.
Ako si JunA. Diosa. DIVA.
At ito ang aking mundo.
0 comments:
Post a Comment